«القوى الوطنية» تطالب بحل البرلمان

نقلاً عن موقع المصرى اليوم الإلكترونى

كى لا ننسى

صادفت اليوم بيان بإحصاءات كارثية عن مصر رأيت أن أدونها لا لسبب سوى حفظ هذه الإحصائيات للتاريخ ومحاولة إستبيان مدى الإنهيار الذى وصلت إليه مصر بالأرقام والإحصاءات التى أراها تزيد عما سيذكر بكثير حيث تم إثباتها بتاريخ الثانى من أغسطس لعام 2009 بمعنى أن هذه النسب قابلة للتغير بشكل كبير خلال الفترة المنقضية من تاريخ إثباتها حتى الأن


ستجدون إضافات غير موجودة فى الرابط .. أضفتها للوصول لمؤشرات أخرى .. وقد إستخدمت فيها أساس التعداد السكانى المصرى على أنه 80 مليون نسمة


وإليكم الفواجع :


الحالة النفسية
20 مليون مصري مصابون بالاكتئاب.
بنسبة 25 % من إجمالى عدد السكان ( بما فيهم الأطفال ) الذين لو إستبعدناهم لأصبحت النسبة أكبر

1200 حالة انتحار سنويا .. 24% منها في القاهرة ، 19.5% في القليوبية.
بنسبة 15 فرد من كل مليون من إجمالى عدد السكان

وأعتقد أن هذه النسبة أكبر من ذلك

المركز 57 من بين 60 دولة في تقرير البؤس العالمي من حيث معدلات البؤس والشقاء والتخلف والفقر.

مؤشرات الفقر

48 مليون فقير يعيشون في 1109 مناطق عشوائية - أي 45% من المصريين (تقرير صندوق النقد الدولي للتنمية الزراعية)
2.5 مليون مصري يعيشون في فقر مدقع (تقرير الأمم المتحدة للتنمية الإدارية).
بنسبة 3.13 % من إجمالى عدد السكان

45% من المصريين يعيشون تحت خط الفقر يحصلون على أقل من دولار في اليوم (لجنة الانتاج الزراعي يمجلس الشورى).
41% من إجمالي عدد السكان في مصر فقراء (تقرير التنمية البشرية العربية 2009) (28.6% في لبنان - 30% في سوريا - 59.9% في اليمن).
12 مليون مصري ليس لديهم مأوى منهم 1.5 مليون يعيشون في المقابر (الجهازا لمركزي للتعبئة العامة والإحصاء).
بنسبة 15 % من إجمالى عدد السكان

16% من دخل الفرد في مصر ينفق على الطعام والشراب.
46% من الأسر المصرية لا تجد الطعام الكافى للحركة والنشاط (تقرير لشعبة الخدمات الصحية والسكان بالمجلس القومى للخدمات والتنمية الاجتماعية التابع للمجالس القومية المتخصصة).

الحريات وحقوق الانسان

40 حالة تعذيب مثبتة رسميا في 2007 و 28 حالة في 2008 غير الحالات التي لم يمكن اثباتها(المنظمة المصرية لحقوق الانسان).
93 حالة وفاة تحت التعذيب في 2007، 56 حالة لتعذيب المواطنين داخل أقسام الشرطة، من بينها (13) حالة وفاة غامضة و25 حاله اضطهاد واحتجاز تعسفي، وذلك خلال الفترة من يونيو 2008 حتى فبراير 2009 (المنظمة المصرية لحقوق الانسان).
مئات الأحكام القضائية واجبة التنفيذ كتعويضات وافراج عن سجناء لا تنفذ ولا يوجد سبيل لإجبار وزارة الداخلية على تنفيذها!

النقل والمواصلات

22.4 ألف حادث سيارة في 2007.
بمعدل 28 لكل عشرة ألاف فرد بإفتراض إمتلاك كل فرد لسيارة وهو إفتراض غير واقعى .. فى ضوء نسب الفقر السابق ذكرها

88 ألفًا و779 قتيل، و 379 ألف و233 مصاب بسبب حوادث الطرق في الفترة ما بين 1990 إلى 2006 .. المركز الأول على مستوى العالم في معدلات خسائر الأرواح (الجهاز المركزى للتعبئة العامة والإحصاء).
بمعدل 5 من كل ألف فرد

7394 حادث بقطاع السكة الحديد في الفترة ما بين 2000 و2006، أسفرت عن مصرع 573 شخصا وإصابة 805 آخرين.
4 مليارات جنيه خسائر سنوية بسبب حوادث الطرق (مركز المعلومات ودعم اتخاذ القرار).

الفساد

39 ملياراً و373 مليوناً و524 ألف جنيه تم اهدارها في الفترة ما بين أبريل 2008 ويناير 2009 بسبب الفساد المالي والإداري (تقرير عام 2008 لمركز الدراسات الريفية).
8 مليار جنيه دعم سنوي لأنابيب البوتاجاز (يبلغ احتياطي مصر من الغاز الطبيعي 67 تريليون قدم مكعب، وتبيع المليون وحدة حرارية لإسرائيل 1.5 دولار والتي يتكلف انتاجها 2.65 دولار .. سعر التصدير العالمي من 6 الى 8 دولارت للمليون وحدة حرارية).
المركز 134 من بين 134 دولة في معدل تعيين الاقارب والأصدقاء في المناصب المختلفة (تقرير التنافسية العالمية).
المركز 115 من بين 134 دولة في مؤشر مدركات الفساد الذي يقيس درجة انتشار الفساد بين المسئولين في الدولة (تقرير التنافسية العالمية).
المركز 72 من 134 على مؤشر الشفافية والنزاهة لمنظمة الشفافية العالمية في 2006، ثم المركز 105 في 2007 ثم الركز 115 في عام 2008 (منظمة الشفافية العالمية).
المركز 77 من بين 146 دولة في تقرير منظمة الشفافية الدولية لعام 2007 (إسرائيل من أفضل 20 دولة).

المجال الصحي

ربع سكان مصر يعانون من ضغط الدم.
أعلى معدل لوفيات الأطفال في العالم (50 طفل لكل 1000 مولود) .. 3 في السويد .. 4 في اليابان (جهاز التعبئة العامة والإحصاء).
29% من أطفال مصر لديهم تقزم و 14% لديهم قصر قامة حاد وطفل من كل اثنين لديه انيميا (مديحة خطاب رئيس لجنة الصحة بأمانة سياسات الحزب الحاكم).
9 مليون مصري مصابون بفيروس (سي) .. تحتل مصر المركز الأول في معدلات الإصابة بالمرض على مستوى العالم
بنسبة 11.25 % من إجمالى عدد السكان

8 مليون مواطن مصابون بالسكر والمركز الثاني على مستوى العالم في الوفاة بسبب المرض (مديحة خطاب رئيس لجنة الصحة بأمانة سياسات الحزب الحاكم).
بنسبة 10 % من إجمالى عدد السكان

من أعلى معدلات الوفيات على مستوى العالم بسبب انفلونزا الطيور الذي أصبح مرضاً متوطناً في مصر (إلى جانب مخاوف من توطن انفلونزا الخازير ، ظهور حمى التيفود، مخاوف من انفلونزا الكلاب).
4% من سكان مصر يعانون من مرض أنيميا البحر المتوسط الذي يصيب الأطفال (تقرير لوزارة الصحة).
20 ألف مواطن يموتون سنويا بسبب نقص الدماء (تقرير لوزارة الصحة).
بمعدل 25 من كل عشرة ألاف فرد

اكثر من 200 حالة إصابة بحمى التيفويد، منها 164 في قرية واحدة خلال أقل من اسبوعين (ولا يزال السيد المستشار عدلي حسين محافظاً للقليوبية!!).
اكثر من 100 ألف مواطن مصري يصابون سنوياً بالسرطان بسبب تلوث مياه الشرب (د‏.‏ أحمد لطفي استشاري أمراض الباطنة والقلب بمستشفي قصر العيني).
بمعدل 25 من كل عشرين ألاف فرد

مؤشرات أخرى

26% من المصريين لا يعرفون القراءة أو الكتابة.
16 شابا من بين 100 شاب شربوا المخدرات.
178 مليار جنيه هي تكلفة علاج الإدمان في عشر سنوات فقط.
10 مليون عاطل (في سن 15 الى 29 عاما) أي 21.7% من إجمالي قوة العمل.
بنسبة 12.5 % من إجمالى عدد السكان

9 مليون شاب تخطوا سن 35 عاماً دون زواج (5.5 مليون شاب + 3.5 مليون فتاة) بمعدل عنوسة 17%.
بنسبة 11.25 % من إجمالى عدد السكان

255 ألف حالة زواج عرفي بين الطلبة (أي 17% من طلبة الجامعات) نتج عنها 14 ألف طفل مجهول النسب.
بمعدل 3.19 من كل ألف فرد

المركز 129 بين 134 دولة في معدل هجرة العقول العلمية والموهوبة وتعد أسوأ دول الشرق الأوسط في ذلك (تقرير التنافسية العالمية).
المركز 134 من بين 134 دولة في مؤشر كفاءة سوق العمل (تقرير التنافسية العالمية).
المركز 125 من بين 134 دولة في مؤشر استقرار الاقتصاد الكلي (تقرير التنافسية العالمية).
المصادر : تقارير رسمية + صحف.

للأسف أرى كما ترون أن نسبة واحدة من هذه النسب أو مؤشراً واحداً من تلك المؤشرات كافياً لإسقاط حكومات وتغيير سياسات فى بلاد تحترم مواطنيها

لكننا للأسف نعيش فى ظل نظام حكم لا يهمه سوى إستمراره على كرسى الحكم لأطول فترة دون نتيجة اللهم إلا النتائج السوداء لأكثر من ثلاثين سنة فساد وظلم وقهر

شاركونى فى نشر هذه الإحصائيات .. عل الناس تنتبه لما جرى .. ومنع ما قد يجرى فى الأيام والسنين المقبلة

 
روابط ذات علاقة

مصراوى

خالد سعيد جديد

ما لبثنا نناقش خبر تغريق أحد المواطنين من قبل فرد شرطة مصرى بعد أن أجبره على لزوم المياه وقذفه بالحجارة لكى لا يخرج منها

فوجئت صباح اليوم بخبر يقول أن

شاب مصرى يدعى أحمد شعبان وعمره ١٩ سنة .. تم القبض عليه وتعذيبه في قسم سيدي جابر وبعد ثلاثة أيام عثر أهله على جثته ملقاة عند ترعة المحمودية وعليها آثار اعتداءات وتعذيب .. إنا لله وإنا إليه راجعون وربنا يصبر أهله

وإليكم هذا المحتوى

فيديو مع أهل أحمد شعبان

والأن تم إحتجاز أخو المجنى عليه لأنه الوحيد الذى يعرف تفاصيل ما جرى ... !!!!!!!!!!!!

إلى متى يعتقد رجال الداخلية أن إحتجاز أحد سيمنع صوت الحق .. إلى متى ؟؟؟

وإلى متى يا مصر ستظلين صامتة عما يجرى لأولادك من كلابك .. إلى متى ؟؟؟؟؟؟

عشان تطمن على مستقبل ولادك

إعذرونى على كتابة هذه الرسالة بالعامية لأن مينفعش تتكتب بالفصحى

قالك إيه قالك أه .. قالك الشعار بدال ما كان من أجلك أنت بقى من أجل أولادك
على أساس إنك يعنى لا مؤاخذة مطمن ومترستق ونايم ومفخد وحاطط فى بطنك شادر بطيخ من كتر الأمن والأمان اللى بيبك من حواليك
فعشان يا حرام متحرمش عيالك من الإحساس الطاغى الظريف اللطيف أبو دم خفيف دا .. لازم ترشح وتنتخب وبكامل إرادتك وبعلمك النافى للجهالة .. أعضاء الحزب الوطنى الديموقراطى

مش بأقولك ..

عشان تطمن على ولادك ... إنهم يتولدوا فى مستشفى كويسة - زى اللى إتولد فيها ولادك - ومدفعتش فيها دم قلبك ولا طلع عين اللى جابوك عشان تجيب فلوس الولادة فيهاعشان تطمن على ولادك .. إنهم يطلعوا يلاقوا مدرسة هاى كلاس .. زى اللى سيادتك وسيادتى إتعلموا فيها .. ويتمتعوا بمجانية التعليم اللى برضه سيادتك وسيادتى وسيادتكم إتمتعوا وإتمرمغوا فى ترابها ... ولا الحوجة بقى للدروس الخصوصية اللى بتستنزف مليارات من جيب سيادتك وسيادتى وسيادتكم وسيادتهم ومع ذلك العيال مش فاهمة حاجة وأكثر من 80% مش بيعرفوا يقروا ودى إحصائية رسمية لا مؤاخذة

عشان تطمن على ولادك .. وتقدر تصرف عليهم .. وإنت مش عارف تاخد مرتب عدل يكفيك أكل وشرب وبيحاولوا يفاوضوك على ربعميت جنيه عمى مع إن فى حكم بأنك المفروض تاخد مرتب مايقلش عن ألف وميتين جنيه .. !!!!!!!!!


عشان تطمن على ولادك .. وتقدر توفر لهم الأكل مش مهم بقى الأوطة توصل 10 جنيه وتبقى أغلى م التفاح عشان وزير الزراعة الجاهل بوظ الزراعة فى مصر وبيتكلم فى الدعم كمان .. مش مهم رغيف العيش أبو خمسة ساغ اللى مينفعش تشمه .. مش تاكله .. مش مهم الأكل المسرطن والمهجن والمعطوب والمعيوب .. مش مهم كل ده .. المهم إنك تطمن على ولادك


عشان تطمن على ولادك .. إنهم لو تعبوا لا قدر الله يلاقوا مستشفى كويسة يتعالجوا فيها زى اللى حضرتك وحضرتى وحضراتكم ممكن يتعالجوا فيها دلوقتى اللى هى المستشفيات العامة العمومية اللى كل الخدمات الصحية متوفرة فيها على أعلى مستوى ... يمكن أحسن من المستشفيات الخاصة .. وإوعى تفتكر إنهم لو مكانش معاهم فلوس هيموتوا فى هدوء .. زى دلوقتى .. لألألأ .. أكيد هيبقى الوضع غير كده

عشان تطمن على ولادك .. إنهم لما يتخرجوا من الجامعة .. دا إذا دخلوها أساساً .. يلاقوا وظيفة محترمة بمرتب محترم .. فى المشروعات الكتييييييييييييييييير اللى الحزب قاتل نفسه عشان يوفرها يا عينى .. وبرضه يبقى الواد زيك .. يشتغل من غير ما يكح تراب .. من غير ما صاحب الشغل يطلع عين اللى جابوه .. اللى منهم حضرتك .. عشان شوية الملاليم اللى بيرميهمله أخر الشهر .. عشان صاحب الشغل ما يذلش فيه ويحسسه إنه مشغله عنده شفقة وإحسان .. عشان صاحب الشغل ما يكتبوش وصل أمانة عشان يرضى يشغله أصلاً .. !!!



عشان تطمن على ولادك .. إنهم لما يتخرجوا ويشتغلوا .. يلاقوا شقة يتجوزوا فيها .. أكيد بقى الشقة دى هتبقى فى القطامية هايتس .. أو فيلا فى الرحاب .. يعنى مش أقل من كده .. زي ما حصل معاك بالظبط ..


عشان تطمن على ولادك .. بعد ما يطلع القديم والجديد عليهم .. عشان يجيبوا الشقة .. هب تلاقى وزير المالية .. فاقعهم قانون .. يحصل ضريبة على الشقة اللى هو أصلاً دافع تمنها من جيبه .. !!!



عشان تطمن على ولادك وتضمن إنهم لو فكروا فى أى حاجة تعارض الحكومة .. ديتهم إيه .. لفافة بانجو .. إسكندرانى .. وهب فى بق الواد من دول .. وخلاص هيريحوه و يريحوك منه كمان . !!!

عشان تطمن على ولادك .. إنهم يقدروا يعبروا عن رأيهم بصراحة من غير ما يخافوا .. هتلاقى ناس طالعينلك من المجلس اللى إنت إنتخبته
يطالبوا وزارة الداخلية تضربهم بالرصاص .. !!!

عشان تطمن على ولادك لازم تفكر كتيييييييييييييييييييييييييييييييييييير قبل ما ترشح أو تنتخب الحزب الوطنى

كأنك مفيش

أشعار .. عمنا .. أحمد فؤاد نجم
_______________

كأنك مفيش ..

برغم إن صورك فـ كل الدواير

وكل المداخل وكل المحاور

ومليا الشوارع على كل حيط ..

مطنش علينا وعامل عبيط ..

كأنك مفيش ..

***

يا فرحة قلوبنا رئيسنا ظريف ..

فُكهي .. إبن نكته ودمه خفيف

فـ عهدك سيادتك فَرَشنا الرصيف

وآخر مُنانا الغُموس والرغيف

وكل أمَّا تُخنُق ندوَّر .. مفيش !!

***

مسيِّب علينا عصابة حبايبك

فضايح وسرقة ونهب بسبايبك

مابين حزب نجلك .. وهانم جلالتك

وجيش الغوازي إللَّي داير يجاملك

وناملك وقاملك .. وحارسك وأمنك

شبعنا مهانه .. شبعنا لطيش ..!

وأنت .. مفيش !!

***

باعونا فـ حضورك .. ببركة عِبـيدك

وغالي وسرورك باعوا الأراضي .. وكل المصانع وباعوا البنوك ..

وقدَّام عِنيك .. صوتنا إتـنبح .. ننادي عليك ..

إلحق

يا ريس : ده باعوا الحديد !!

وأنت منشِّف دماغك عنيد !! ..

كأنك مفيش !!

***

دوشتوا دماغنا ” بجمال ” طلعتك

ومن يومها وإحنا عَبـيد حضرتك

ما تزعلش إني مواطن أبيح

ورافض كلابك فـ شعبك تطيح

فسادهم يا ريِّس واضح .. صريح

قوم بينا صلّح وفتَّش .. وثور

ح نكتب تاريخك ياريِّس بنور

مش تبقى عايش كأنـَّك مفيش !!

*** ورحمة أبوك ..

مادام أنت قاعد عيب لمَّا عُصبة نَـوََر يسحبُوك

م تُقبض عليهم ..

م تقطع إيديهم ..

م تعمل عليهم يا ريِّس شاويش

بدل م انت ساكت وقاعد مفيش

***

ياريس علىّ الطلاق تعبانين !!

ياريس علىّ الحرام كفرانين !!

صبرنا سنين ..

سيادتك مسلطن

وشعبك وناسك بتاكل مسرطن

وتشرب مجاري وميت سم هاري ..

ومش دريانين !!

ما تنهض يا ريس تلم الديابه ؟!!

ده شعبك غلابه ..

ومليان طيابه ..

وهوَّ الشفاعة ف يوم الحساب

وهما البطانة الحُثاله الكلاب

ما يملاش عنيهم غير التراب

وليهم ضوافر وميت ألف ناب

وواقفين لشعبك ورا كل باب

لإمتى ح تسكت وليه الغياب ؟

ده ياما ممالك طواها التراب

حياتنا ياريس تعب فوق عذاب

يا ريس ” شريفك ” ماهوَّاش شريف !! ”

نظيفك ” يا ريس ماهوَّاش نظيف !!

وحتى ” حبيبك ” ماهواش حبـيب !!

وأنا غصب عني .. خلاص إستويت ..

بـ غـُلبي إنحنيت ..

وطلعان عنيا .. وصعبان عليا

بحسبة بسيطة ومن غير خريطه ..

وكونك مفيش ..

لقيت متساويش

ومش فارقه أعيش ..

نويت أشتكيك للِّي فوقي وفوقك

وأصلي الفرايض ..عسى يفـُك طُوقـك

قالولي إللي يسجد عدو النظام !!

حاولت أحكي حالي ..!! قالولي الحكاوي نميمة وحرام !!

فكرت أكتب .. لقيتكم سيادتك منعتوا الكلام !!

فقررت أحلم .. هاحلم سيادتك وأفُك اللِّجام

ولو مش هيعجب سيادتك يا فندم وصِّي العساكر .. تاخُدني أمَّا انام !!

***

حلمت إني شعب ..!

حلمت إني شعب ومصلوب بطولي على أرض سمرا

ودمي بينـزف ومليان جروح وفوق صدري جمرة

يميني مربّط على أرض طابا شمالي ممسمر فـ “أولاد علي”

ورجلي على جزع نخلة فـ “حلايب” ومرتاح براسي على حِجْر مصر

وشوفتك ياريس ..كأنك ولي ..

كأنك نبي ..

فـ إيدك عصاية وليك معجزات

وانا فـ جنَّه خضره .. وتحتي جداول ..

ومن فوقي نور .. وريحة بخور ..

همست ف ودانك بآخر وصيّة

: إنسى إللي فاتك .. هننسى الأسية .. !!

أمانه عليك .. حُط الوطن جُوَّه نِنِّي عينيك

كرامة عيالنا أمانة ف إيديك

بحق إللي بينّا يا ريِّس وبـينك

وحَق اليَمِين و” الكتاب ” فى يمينك

بحق الشهيد .. إللي رافع جبينك

وجيش إنتصارك فى يوم العبور

وجيل حُر طالع .. وعدته بدور

لملم عيالك .. وجمَّع فـ مالك

وإسحب ” جمالك ” وسيبنا وغور

• Write a comment...